सत्ता गठबन्धनका उम्मेदवार जिताउने जिल्ला अध्यक्षहरुको निर्णय
बारा, कार्तिक १७/ बारामा ५ दलिय वाम लोकतान्त्रिक गठबन्धन दलका जिल्ला अध्यक्षहरुले सत्ता गठबन्धन उम्मेदवारहरुलाई जिताउन आफ्ना नेता कार्यकर्ता र मतदाताहरुलाई परिचालन गर्ने निर्णय गरेका छन् ।
५ दलिय गठबन्धन दलका जिल्ला अध्यक्षहरुले संयुक्त प्रेस विज्ञप्ती जारी गरेर वाम लोकतान्त्रिक गठबन्धनका उम्मेदवारहरुलाई जिताउन आ आफ्ना नेता, कार्यकर्ता परिचालन गर्ने निर्णय गरेको हो ।
नेपाली कांग्रेसका बारा जिल्ला अध्यक्ष राजेश राय यादवको नेतृत्वमा बसेको बैठकमा माओवादी केन्द्रका अध्यक्ष प्रभुप्रसाद यादव, लोकतान्त्रिक समाजवादी पार्टी (लोसपा) का अध्यक्ष नवल किशोर सिंह, नेकपा एसका बारा जिल्ला अध्यक्ष बिजेन्द्र चौधरी, राष्ट्रिय जनमोर्चा पार्टीका अध्यक्ष जिवनकुमार भट्टराईले संयुक्त रुपमा हस्ताक्षर गरेका थिए ।
विज्ञप्तीमा सत्ता गठबन्धनका उम्मेदवारहरुको पक्षमा प्रचारप्रसार गर्न जिल्ला स्तरिय सयन्त्र बनाउने, ५ दलिय गठबन्धनका उम्मेदवारलाई बिजयी गराउन प्रत्येक दलले आ–आफ्नो नेता कार्यकर्ता परिचालन गर्ने र शनिवार सम्पुर्ण उम्मेदवारहरुसँग छलफल गर्ने निर्णय समेत भएको छ ।