थप ३ हजार ६३७ जना कोरोना ,२१ जना ओमिक्रोन र ३ जना डेल्टा भेरियन्टबाट संक्रमित

माघ १९ । नेपालमा थप ३ हजार ६३७ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर पिसिआरबाट कुल २ हजार २०५ र एन्टीजेन परिक्षणबाट १४३२ गरि कुल ३ हजार ६३७ जना संक्रमित थपिएको जानकारी दिएको हो ।

त्यस्तै पछिल्लो २४ घण्टामा ७५५५ जना संक्रमण मुक्त भएका छन् । नेपालमा कोरोना निको हुने प्रतिशत ९१ रहेको मन्त्रालयले जनाएको छ ।

त्यस्तै पछिल्लो २४ घण्टामा ६ हजार ४९९ पिसिआर र ५०८३ नमुना एन्टीजेन परिक्षण गरि कुल ११ हजार ५८२ जनाको परीक्षण भएको मन्त्रालयले जानकारी दिएको छ ।

पछिल्लो कोरोनाबाट थप १२ जनाको मृत्यु भएको मन्त्रालयले जानकारी दिएको छ । नेपालमा कोरोनाबाट अहिलेसम्म मृत्यु हुनेको संख्या ११ हजार ७६४ पुगेको छ ।

यस्तै नेपालमा थप २१ जनामा ओमिक्रोन संक्रमण देखिएको छ।

स्वास्थ्य तथा जनसंख्या मन्त्रालयका अनुसार २४ जनाको नमुना जिनसिक्वेन्सिङ गर्दा २१ जनामा ओमिक्रोन र ३ जनामा डेल्टा भेरियन्ट देखिएको स्वास्थ्य मन्त्रालयकी प्रवक्ता संगीता कौशल मिश्रले जानकारी दिइन्।

त्यस्तै आज थप ३ हजार ६३७ जनामा कोरोना संक्रमण पुष्टि भएको छ भने ११ जनाको मुत्यु भएको छ ।