बारा, अशोज ७ / वन तथा वातावरण मन्त्री प्रदीप यादवले तामझामका साथ करिव १ अर्व लगानीमा वीरगञ्ज महानगरको वडा नं ३२ स्थित सवैया साझेदारी वनको ५० हेक्टर जग्गामा खुला चिडियाखानाको शिलन्यास गरेका छन् ।
पर्सा क्षेत्र नं १ का प्रदेश सभा सदस्य,वन तथा भूसंरक्षण विभागका महानिर्देशक,प्रकृती संरक्षण कोषका प्रमुख, वीरगञ्ज महानगर, जीतपुर सिमरा उपमहानगर, पर्सागढी नगरपालिकाका प्रमुख तथा जनप्रतिनिधि,बारा, पर्साका प्रमुख जिल्ला अधिकारी, बारा, पर्साका डिभिजन वन अधिकृत सहित जिल्लाका सुरक्षा निकायका प्रमुखहरुको उपस्थितीमा तामझामका साथ मन्त्री यादवले चिडियाखानाको बिहिवार शिलन्यास गरेका हुन् ।
चिडियाखाना निमार्णको लागि १ अर्वको लगानीमा बहुवर्षिय योजना अन्र्तगत तत्काल टेन्डर प्रकियामा जाने मन्त्री यादवले जनाएका छन् । ‘बहुवर्षिय योजना अन्र्तगत तत्काल टेन्डर प्रकियामा जान्छ, चालु आर्थिक वर्षको लागि करिव १० करोड बजेट छुट्टाईएको छ’ यादवले भने । शिलन्यास कार्यक्रममा बोल्दै मन्त्री यादवले देशभरका सातै वटै प्रदेशमा चिडियाखाना निमार्ण गर्ने बताएका छन् । वन तथा भूसंरक्षण विभागका महानिर्देशक दिपेशमणि त्रिपाटीले चिडियाखाना निमार्णका लागि राजनीतिक तहबाट निर्णय भईसकेकोले अव चिडियाखानाको संरचना निमार्ण, जिवजन्तुको जोहो तथा त्यसको व्यवस्थापन र पर्यटक प्रवद्धन गर्ने काम वन्यजन्तु विभाग र प्रकृति संरक्षण कोषको काँधमा आएको बताएका छन् । ‘हामीहरुले यस्लाई खुला चिडियाखानाको रुपमा विकास गर्नुपर्छ’ महानिर्देशक त्रिपाटीले भने ‘नेपालमा अहिलेसम्म सदर चिडियाखाना ५ हेक्टरमा मात्रै सिमित थियो अव १० गुणा ठुलो ५० हेक्टरमा खुला चिडियाखाना निमार्णको तयारीमा हामी जुटेका छौ’ । खुला चिडियाखानामा जनावरहरु खुला हुने र मानिसले कैदी शैलिमा जनावरहरु हेर्न सक्नेछन् ।
चिडियाखानामा सबैखाले वन्यजन्तुहरुको संरक्षण र व्यवस्थापन गर्ने विभागका महानिर्देशक त्रिपाटीले जनाएका छन् ।कार्यक्रममा जीतपुर सिमरा उपमहानगरका नगरप्रमुख राजन पौडेलले पर्सा राष्ट्रिय निकुञ्ज वन्यजन्तु संरक्षण र वृद्विको हिसावले तिव्र गतिमा बढिरहेकोले त्यसवाट मध्यवर्ती क्षेत्रका स्थानियहरुले फाईदा लिन सक्ने र त्यसतर्फ अगाडी बढाईदिन नेपाल सरकारसँग अनुरोध गरेका छन् ।
पर्सा राष्ट्रिय निकुञ्जको जनहित मध्यवर्ती उपभोक्ता समिति अन्र्तगतको जनजागरण सामुदायिक वनसँग सिमाना जोडिएको सवैया साझेदारी वनले जीतपुर सिमरा र वीरगञ्ज महानगरको सिमाना छुट्टको छ । भोलीका दिनमा चिडियाखाना स्थापना भए विद्यार्थी, अनुसन्धानकर्ता, वैज्ञानिक लगायत मधेस प्रदेश तथा अन्य प्रदेशका सर्वसाधारण मात्र नभई छिमेकी मुलुक भारतबाट आउने भारतिय पर्यटकहरुबाट जीतपुर सिमरा उपमहानगरका स्थानियहरुले सबैभन्दा धेरै फाईदा लिनसक्ने देखिन्छ ।
सवैया साझेदारी वनमा साल, कर्मा, अस्ना लगायतका रूख प्रजाति पाईन्छ भने बाघ, चित्तल, खरायो, दुम्सी, वन बिरालो, पुड्के बँदेल, चौका लगायतका वन्यजन्तु हेर्न सकिन्छ ।
चिडियाखाना स्थापना गर्दा वन्यजन्तुको उद्धार केन्द्र, वन्यजन्तु प्रजनन केन्द्र, वन्यजन्तु अस्पतालका लागि पूर्वाधार तथा जनावरबाट सर्ने रोगको उचित रोकथाम, पर्यटक व्यवस्थापन तथा विपद् नक्सांकन समेतलाई ध्यानमा राखिने विभागले जनाएको छ । चिडियाखानाले वन्यजन्तुको संरक्षण, समस्याग्रस्त वन्यजन्तुको व्यवस्थापन र पर्यापर्यटनका लागि समेत ठुलो मद्दत पुग्ने देखिन्छ ।
नेपाल मिडिया हाउस प्रा.लि.
ललितपुर, नेपाल
ईमेल: [email protected] (समाचारको लागी)
ईमेल: [email protected] (बिज्ञापनको लागी)
कार्यालय फोन- +977- 015554815, 5549880
स्थायी लेखा नम्बर- 604369660
कम्पनि रजिष्टर नं.- 160287/073/074
सूचना विभाग दर्ता नम्बर: २४६३/०७७-०७८