हातेमालो साकोसको १५औं वार्षिक साधारणसभा सम्पन्न

असोज ८, बारा

हातेमालो बचत तथा ऋण सहकारी संस्था लिमिटेड सिमराको १५औं वार्षिक साधारण शनिवार सम्पन्न भएको छ । सिमरास्थित थानीमाई सामुदायिक वन उपभोक्ता समितिमा आयोजित साधारण सभाको उद्घाटन संस्थाका जेष्ठ सदस्य १०१ वर्षीय नोककृष्ण मुल्मीले गरेका हुन् ।

३ हजार ८ सय भन्दा बढी सदस्य रहेको संस्थाले अहिले ६३ करोड रुपियाँको कारोबार गरेको संस्थाका अध्यक्ष यज्ञ बहादुर आलेले जनाएक छन् । साधारण सभाको उद्घाटन कार्यक्रममा निवर्तमान प्रदेश सभा सदस्य सिता गुरुङ, शोभा लामा, जीतपुरसिमरा उपमहानगरपालिकाका नगर उपप्रमुख भोलाप्रसाद अधिकारी, नेपाल बचत तथा ऋण केन्द्रीय सहकारी संघ (नेफ्स्कुन) का केन्द्रीय संचालक हरेराम पटेल, जीतपुरसिमरा उपमहानगरपालिका वडा नं. १ का अध्यक्ष हिराबहादुर गुरुङ, वडा नं. २१ का सुवास श्रेष्ठलगायतले मन्तब्य व्यक्र गरेका थिए ।

कार्यक्रमको सहजीकरण संस्थाका सचिव दीपक भट्ट र बरिष्ठ उपाध्यक्ष संजय साहले स्वागत मन्तब्य गरेका हुन् । उद्घाटन सत्रको कार्यक्रममा विभिन्न राजनीतिक दल,संघसंस्थाका प्रतिनिधि, सहकारी क्षेत्रका प्रतिनिधि, शेयर सदस्यको उपस्थिती रहेको थियो । उद्घाटन सत्रमा विभिन्न विद्यालयका छात्रछात्राको सांगीतिक प्रस्तुती समेत रहेको थियो ।