समाजवादी मधेशप्रदेश समानुपातिमा अधिकारी सहित ८ जनाको नाम

बारा,अशोज २६
मंसिर ४ गते हुने प्रतिनिधि तथा प्रदेशसभा सदस्य निर्वाचनको लागि नेकपा एकीकृत समाजवादीको तर्फबाट मधेशप्रदेशमा समानुपातिक तर्फ ८ जनाको नाम सिफारिस भएको छ ।

मधेशप्रदेश समानुपातिक उम्मेदवारहरुमा बारा जिल्ला खसआर्य तर्फ कमलाकुमारी रिमाल (अधिकारी), दलितबाट श्रीप्रसाद हजरा (पासवान),जनजाति तर्फ सरिता लिम्बु, मुस्लिमतर्फ ईसरात जहाँन,उसमान अन्सारी,मधेशीबाट सरस्वती यादव, लक्ष्मीदेवी लोहार र मालती कुशहवाको नाम सिफारिस भएको हो । त्यसैगरी समानुपातिक संघमा विभाकुमारी कार्की उम्मेदवारी परेको छ । प्रतिनिधि सभा सदस्य तर्फ बारा ४ मा भने किसान कुमार श्रेष्ठेको उम्मेदवारी परेको छ ।

मधेशप्रदेशलाई एउटै क्षेत्र मानेर पार्टीले प्राप्त गरेको मतका आधारमा समानुपतिक तर्फका उम्मेदवारहरु मनोनित हुने नेकपा एसका मधेशप्रदेश सदस्य कृष्ण खनालले जनाएका छन् । ‘मधेशप्रदेशलाई एउटै निर्वाचन क्षेत्र मानेर प्राप्त मतका आधारमा निर्वाचन आयोगको प्रकिया अनुसार उम्मेदवारहरु मनोनित हुने व्यवस्था छ’ प्रदेश कमिटि सदस्य खनालले भने ।