सिमरा स्थित प्रीति वर्कशपद्धारा सिटीईभीटी मार्फत युवालाई स्वरोजगार बनाउदै

बारा,कार्तिक १ / परवानीपुर गाँउपालिका घर भएका हरि रायलाई मोटरसाईकल वर्कशप सञ्चालन गरेर घरपरिवारको खर्च, छोरोछोरीको पढाईलेखाई धान्न सकिएला भन्ने कहिल्यै लागेको थिएन । तर आज उनले सिमरा एयरपोर्ट रोडमा मोटरसाईकल वर्कसप सञ्चालन गरेर ४ जना सहयोगीलाई तलव सहित ८ जनाको परिवार ढुक्कसँग पाल्दै आएका छन् ।

७ वर्षअघि २ लाख लगानीमा शुरु गरेको वर्कशपबाट आज मासिक सबै खर्च घटाएर पनि रायले ४० हजार बचत गर्दछन् । ‘सबै खर्च कटाएर महिनाको ३० देखि ४० हजार कही जादैन, यति कमाउन नेपालीहरु विदेश जान्छन् तर सिप सिके आफ्नै ठाँउमा केही गर्न सकिदो रहेछ’ रायले भने ‘यो पेशाबाट आज मैले दर्जनौ युवाहरुलाई सिपमुलह तालिम मार्फत रोजगारीमा जोडेको छु’ ।

विकासशिल चोक नजिकै रायले सञ्चालन गरेको प्रीति मोटरसाईकल वर्कशपमा हालसम्म करिव ५० जनाले सिप सिकेर रोजगारीमा जोडिएका छन् । रायले सिटिभिटिले सञ्चालन गरेको आधारभुत तालिम सञ्चालन गरेर ५० जना भन्दा बढी युवाहरुलाई स्वरोजगार बनाएका हुन् ।

रायको वर्कशपमा ईन्जिन बनाउने, बाईक धुने,पन्चर टाल्ने लगायत बाईक सम्वन्धि सबै पाटपुर्जाहरु पाईन्छ । ‘मान्छेले दुर्घटना भयो, ब्रेक लागेन भन्छन् तर २/३ लाखको बाईक चढिरहेको छ भने समयमै मर्मतसम्भार पनि गनुपर्यो, २/४ पैसाको लागि कञ्जुसाँई गर्न भएन, भोली ठुलो दुर्घटनामा परेर ज्यानैपनि जानसक्छ’ रायले भने ‘मोटरसाईकल सभिस गर्न आउने सेवाग्राहीहरलाई मिस्त्रिले यो पार्टपुर्जा फेर्नुस् भन्दा काम चल्छ भने चलाईदिनुस् भन्छन्,हामीले जर्बरजस्ती फेर–फेर भन्नु भएन, फेरि पैसा दिदैन् अर्को तनाव’ रायले पछिल्लो समय व्यापार नहुदाँ चाडपर्व केन्द्रीत अफरको कार्यक्रमहरु सञ्चालन गर्न नसकिएको बताएका छन् । ‘अहिले ईन्जिन फेर्दा एक पटक सभिसिङ फ्रिको अफर सञ्चालन गरेका छौ’ रायले भने

।

२ वर्षमा सयजनालाई स्वरोजगार बनाईसकेका छौ : सिटिईभिटी प्रशिक्षक खान

नेपाल सरकारले बेरोजगार युवाहरुलाई लक्ष्यित गरेर सञ्चालन गरेको प्राविधिक शिक्षा तथा व्यवसायिक तालिम (सिटिईभीटि) बाट २ वर्षमा सयजना भन्दा बढी युवाहरुलाई स्वरोजगार बनाएको प्रशिक्षक शद्धाम खानले बताएका छन् । मेकानिकल ईन्जिनियर रहेका खान सिटिईभीटीबाट आएको तालिम प्रशिक्षकको रुपमा काम गर्दै आएका छन् । नेपाल सरकारले खेशभर नै दलित र बेरोजगार युवाहरुलाई लक्ष्यित गरेर तालिम सञ्चालन गर्दै आएको छ ।

जितपुरसीमरा उपमहानगर १ स्थित विकासशिल चोकम नजिकै प्रीति मोटरसाईकल वर्कशपमा सञ्चालन गरेको आधारभुत तहको तालिममा २० जना सहभागी रहेको प्रशीक्षक खानले बताएका छन् । नेपाल सरकारको लगानीमा सञ्चालन भएको तालिममा सहभागीलाई खाजा र यातायात खर्च समेत व्यवस्था गरिएको छ ।

‘तालिम सिक्न आउनेहरुलाई खाजा खर्च, सिक्न औजार, कक्षाकोठा लगायत सम्पुर्ण साम्रगी तालिम आयोग संस्थाले व्यवस्था गर्छ सहभागीहरुको १ रुपयाँ खर्च लाग्दैन्’ प्रशिक्षक खानले भने ‘हामीकहाँ तालिम सिकेर धेरैले मोटरसाईकल कम्पनिमा हेड मिस्त्री धएर मासिक ४० हजार प्लस बोनस समेत बुझ्नु भएको छ, यो तालिम लिएर विदेश जानेहरुले पनि राम्रो आम्दानी गर्नुभएको छ’ प्राविधिक शिक्षा तथा व्यवसायीक तालिमबाट २ वर्षमा करिव सयजना युवाहरुले तालिम लिएर अधिकाशं स्वरोजगार भईसकेको प्रशिक्षक खानले जनाएका छन् । ‘हामीसँग तालिम लिनेहरु मध्ये ९५ प्रतिशत स्वरोजगार हुनुहुन्छ उहाँहरुलाई व्यवसाय सञ्चालन गर्न कुनै आर्थिक समस्या भएर प्रमाणपत्र धितो राखेर ५ लाखदेखि ५० लाखसम्मको ऋण पाउनसक्ने व्यवस्था गरेको छ सरकारले’