मतदाताले एकपटक अवसर दिए बाराको विकासमा ठुलो फड्को मार्छु : उम्मेदवार श्रेष्ठ

बारा, कार्तिक १८/ पूर्व श्रममन्त्री तथा नेकपा (एकीकृत समाजवादी) का नेता किसान श्रेष्ठले बारा–४ का मतदाताले एकपटक अवसर दिए विकास निमार्णमा ठुलो फड्को मार्नेगरी काम गर्ने प्रतिवद्वता जनाएका छन् ।

बाराको विश्रामपुर गाँउपालिका १, छ्तवामा भएको रात्रीकालिन कार्यक्रमलाई सम्वोधन गर्दै उम्मेदवार श्रेष्ठले मतदातालाई बारा ४ को विकासको लागि एकपटक अवसर दिन अनुरोध गर्दै निर्वाचिर्त भए जिल्लाको विकासमा ठुलो फड्को मार्नेगरी काम गर्ने प्रतिवद्वता जनाएका छन् । ‘बारा जिल्लाका मतदाताको विश्वास र भरोसालाई सधै शिरमा राखेर म सधै यहाँका जनताको सेवामा लाग्ने प्रतिवद्वता जनाउदछु’ उम्मेदवार श्रेष्ठले भने ‘हामी बाम लोकतान्त्रिक गठबन्धनका उम्मेदवार बिजयी भईसके पछि बारा क्षेत्र नं ४ लाई विकास निमार्णमा नेपालकै नमुना क्षेत्र बनाउछौ, यहाँका बेरोजगार युवाहरुलाई रोजगारीको व्यवस्थापन गर्नेदेखि लिएर जनताका हरेक समस्या समाधान गर्नेछौ’

२०७४ को निर्वाचनमा तनहुँ क्षेत्र नं १ बाट निर्वाचित श्रेष्ठले ५ दलिय गठबन्धनका शिर्ष नेतृत्वहरुको अनुरोधमा आफु बारा–४ बाट उम्मेदवारी दिएको बताएका छन् ।

‘मलाई विपक्षीहरुले टुरिष्ट्र उम्मेदवार भनेर चर्चा चलाउछन् तर एक दशकदेखि बारामा मेरो आफ्नो व्यवसाय छ,८० प्रतिशत सम्पति मेरो बारा जिल्लामा नै छ, नेपालको संविधान अनुसार हरेक नेपालीले नेपालको कुनैपनि कुनामा गएर चुनाव लड्न पाउने व्यवस्था बमोजिम नै शिर्ष नेतृत्वको अनुरोधमा मैले बाराबाट चुनाव लड्को हुँ’ श्रेष्ठले भने

‘५ वर्षमा तनहुँ जिल्लामा धेरै विकास निमार्णका कामहरु अगाडी बढाए अव यहाँका गरिव, दलित, सुकुम्बासी लगायत बेरोजगारी समस्या र विकास निमार्णको काम गर्नको लागि म बारा–४ मा आएको हुँ’ बारा ४ को विकासको लागि केन्द्र र प्रदेशको बजेटको बहार ल्याउन प्रतिनिधि सभा सदस्यमा आफुलाई र प्रदेशसभामा जितेन्द्र सोनल जिताउन पनि उम्मेदवार श्रेष्ठले मतदाताहरुसाग अनुरोध गरेका छन् ।

विहिवार आयोजित रात्रीकालिन सभामा लोसपा मधेशप्रदेश ईन्चार्ज तथा प्रदेशसभा सदस्यका उम्मेदवार जितेन्द्र सोनलले राष्ट्रपतिलाई नागरिकता विद्येयक रोक्ने अधिकार संविधान र कानुनमा नभएको बताएका छन् । ‘एमालेकै कारण राष्ट्रपतिले नागरिकता विद्येयक रोक्दा आज मधेशका लाखौ जनता नागरिकता विहिन हुनुपरेको छ, जस्ले यहाँका लाखौ जनताको पेटमा लात हान्ने काम एमालेबाट भयो’

उम्मेदवार सोनलले भने ‘विद्यालय भर्ना हुदाँ,बैंकमा खाता खोल्न, विदेशमा जान, नोकरी गर्न विना नागरिकता देशमा एकदिन चल्न सक्ने अवस्था छैन् तर ५ दलका शिर्ष नेताहरुको अगुवाईमा नागरिकता विद्येयक अगाडी बढिरहेको अवस्थामा एमालेका कारण राष्ट्रपतिले विद्येयक रोकर ठुलो गल्ती गर्नुभयो, यस्को परिणाम जनताले निर्वाचनमा अवश्य देखाउनेछन’