मुद्दति निक्षेपमा लगानी गर्दै राष्ट्र बैंक

काठमाडौं । नेपाल राष्ट्र बैंकले मुद्दति निक्षेपमा २ अर्ब ४४ करोड रुपैयाँ लगानी गर्ने भएको छ ।

बैंकको उपदान तथा पेन्सन कोषमा रहेको रकम बैंक तथा वित्तीय संस्थाको मुद्दति निक्षेपमा लगानी गर्ने भएको छ ।

केन्द्रीय बैंकले माघ ५ गतेदेखि २०८१ माघ ५ गतेसम्म मुद्दति निक्षेपमा लगानी गर्न लागेको हो ।

राष्ट्र बैंकले ‘क’ वर्गका वाणिज्य बैंकमा १ अर्ब ९५ करोड २० लाख रुपैयाँ, ‘ख’ वर्गका विकास बैंकमा ३६ करोड ६० लाख रुपैयाँ र ‘ग’ वर्गका राष्ट्रिय स्तरका वित्त कम्पनीहरुमा १२ करोड २० लाख रुपैयाँ लगानी गर्ने भएको छ ।

मुद्दति निक्षेप लिन चाहने बैंक तथा वित्तीय संस्थाले पुस २२ गते बेलुका ७ बजेभित्र आफूले लिन चाहेको रकम तथा उक्त रकमका लागि प्रस्ताव गरिएको ब्याजदर खुलाएर आवेदन पेश गर्नुपर्नेछ ।

आवेदन दिनका लागि बैंक तथा वित्तीय संस्थाको निष्र्कय कर्जा कुल कर्जा सापटको ५ प्रतिशत भन्दा कम भएको हुनुपर्नेछ ।