लुम्बिनी विकास बैंकको साधारणसभा सम्पन्न

काठमाडौं । लुम्बिनी विकास बैंकको साधारणसभा सम्पन्न भएको छ ।

साधारणसभाले सेयरधनीलाई दिन प्रस्ताव गरेको लाभांश पारित गरेको छ । गत आ.व.को नाफाबाट बैंकले ८.५० प्रतिशत लाभांश दिने प्रस्ताव गरेको थियो । बैंकको १६औं वार्षिक साधारण सभाले ४.५० प्रतिशत नगद र ४ प्रतिशत बोनस सेयरसहित ८.५० प्रतिशत लाभांश दिने प्रस्ताव पारित गरेको हो ।

७ वटै प्रदेशमा शाखा सञ्चालन गरि कारोबार गर्दै आइरहेको बैंकको विभिन्न स्थानहरुमा गरी ८९ वटा शाखा कार्यालयहरु र एक विस्तारित शाखा (एक्सटेन्सन काउण्टर) स्थापना भएको छ ।