राष्ट्रिय खाद्य बैंक लिमिटेडको तेश्रो बार्षिक साधारण सभा सम्पन्न

रचना घिमिरे –
काठमाडौं । “पोषिलो आहारको लागि दिगो कृषि उत्पादन, हाम्रो अभियान” भन्ने नाराका साथ स्थापना भएको राष्ट्रिय खाद्य बैंक लिमिटेडको तेश्रो बार्षिक साधारण सभा शुक्रबार सम्पन्न भएको छ ।

सभामुख देवराज घिमिरेको प्रमुख आतिथ्यतामा ललितपुरको शंखमुलस्थित एल दरबारमा एक समारोहबीच साधारण सभा सम्पन्न भएको हो । उक्त्त कार्यक्रममा शुभकामना मन्तव्य दिंदै ‘यहाँहरुले गरेको काम सह्रानिय छ । यस खाद्य बैंक लिमिटेडले कृषि उपजको उत्पादन तथा व्यापार प्रवर्धनमा सहयोग गर्ने विश्वास लिएको छु घिमिरेले भने ।

प्राङ्गारिक मल उद्योगहरु संचालनमा ल्याउने, बिउ बिजन भण्डार आफैले संचालनमा ल्याउने, कृषि कलेज संचालनमा ल्याउने, दक्ष जनशक्ति उत्पादन खाद्य बैंक आफैले तयार गरि गतिबिधिहरु अगाडी बढाउने, देशलाई खाद्यान्नमा आत्मनिर्भर बनाई बढी भहेको खाद्यान्नहरु विदेशमा बिक्रि वितरण गर्ने, कृषिलाई औद्योगिकरणमा लैजाने, कृषिसँग सम्बन्धित उद्योगहरुलाई संचालनमा ल्याउने, कृषिमा चाहिने मेशिनरी औजारहरु/उपकणहरु आफ्नै देशमा बन्न सक्ने जति निर्माण गर्ने/गराउने, देशलाई समृद्धि बनाउने, किसानलाई धनी बनाउँदै देशलाई आत्मनिर्भर बनाउने, अर्गानिक वा प्राकृतिक खानेकुराहरु उत्पादन गर्ने बैंकको दीर्घकालीन योजना रहेको छ ।

कृषिमा परनिर्भरता घटाउँदै प्राङ्गारिक उत्पादनमा जोड दिने उद्देश्यका साथ २०७७ सालमा राष्ट्रिय खाद्य बैंक स्थापना गरिएको बैंकका अध्यक्ष शंकरनाथ उप्रेतीले जानकारी दिए । उनका अनुसार निजि क्षेत्रबाट खोलिएको २ अर्ब कुल पुँजी भएको पब्लिक लिमिटेड कम्पनीको रुपमा पौष्टिक खाद्य सामग्रीहरुको उत्पादन र विक्रि वितरण गर्ने गरी ७ वटै प्रदेश र ७७ जिल्लामा जिल्ला कार्यालय स्थापना गरिएको जानकारी दिए ।

उप्रेतीका अनुसार राष्ट्रिय खाद्य बैंक लिमिटेड, नेपालमा उत्पादन भएका कृषिजन्य उत्पादनलाई ब्रान्डिङ्ग, भण्डारण र बजारीकरण गर्ने पबित्र उदेश्य लिएर स्थापना भएको हो । बैंकमार्फत २ लाखभन्दा बढी किसान प्रतक्ष्य उत्पादनसँग जोडिएका छन् । बैंकले किसानका धान, गहुँ, मकै, तरकारी तथा फलफूल, केरा, दहिदुध, माछा, मासु, अण्डा, जडीबुटी, चिया, कफी, उखु लगायतको उत्पादन तथा व्यापार गरिरहेको पनि जानकारी दिए ।

यसका साथै साधारण सभामा सेयर सदस्य, कृषि उत्पादनमा रहेका रैथाने बाली प्रवर्द्धनमा सक्रिय रहेका व्यक्तिहरु, संघ, संस्थाहरु, शुभचिन्तक, पत्रकार, समाजसेवी तथा बैंकसँग सम्बन्धित व्यक्तिहरुको बाक्लै उपस्थिति रहेको थियो ।