यती एयरलाइन्सले ल्यायो नयाँ दुई ‘एटिआर’ विमान

काठमाडौँ । निजी क्षेत्रको हवाई सेवा प्रदायक कम्पनी यती एयरलाइन्सले ७२ सिट क्षमता भएको दुई ‘एटिआर–७२–५००’ विमान भित्र्याएको छ।

आफ्नो सेवा विस्तार गर्ने क्रममा कम्पनीले दुई वटा एटिआर ७२–५०० विमान थपेको हो। दुवै विमान आज (विहिबार)साँझ त्रिभुवन अन्तर्राष्ट्रिय विमानस्थलमा अवतरण गरेको कम्पनीले जानकारी दिएको छ।

यतीले एकैपटक दुई विमान थपेको हो। यो सँगै यतीसँग एटीआर–७२ विमान संख्या सातवटा पुगेको छ।

आज थपिएका दुई जहाजको क्रमशः ‘९एन–एओएफ’ र ‘९एन–एओएच’ नेपाली दर्ता नम्बर रहेको छ। एकसाताभित्रै विमानले उडान गर्ने पनि जनाइएको छ।