नवलपरासीमा यात्रुवाहक बस र टिपर एकआपसमा ठक्किँदा १७ जना घाइते

काठमाडौं । पूर्वपश्चिम राजमार्गअन्तर्गत पश्चिम नवलपरासीको सुनवलमा यात्रुवाहक बस र टिपर एकआपसमा ठक्कर खाँदा १७ जना यात्रु घाइते भएका छन्।

काठमाडौंबाट बाजुराका लागि हिँडेको सु.प.प्र ०१–००१ ख ३४८० नम्बरको बस र बुटवलबाट सुनवलतर्फ आउँदै गरेको लु २ ख १६९६ नम्बरको टिपर बिहीबार राति सुनवल– ४ मा एक आपसमा ठक्कर खाएको जिल्ला प्रहरी कार्यालय पश्चिम नवलपरासीले जनाएको छ।

घाइते मध्ये १३ जनाको देवदह मेडिकल कलेज भलुही र ४ जनाको लुम्बिनी प्रादेशिक अस्पताल बुटवलमा उपचार भइरहेको छ। घाइते मध्य १ जनाको अवस्था गम्भीर र अन्यको अवस्था सामान्य छ।

दुर्घटना बारे थप अनुसन्धान भइरहेको प्रहरीले जनाएको छ।