म्यानचेस्टर सिटीसँग ब्रेन्टफोर्ड पराजित, प्रिमियर लिगको दोस्रो स्थानमा सिटी

काठमाडौं । इङिलस प्रिमियर लिग फुटबलमा म्यानचेस्टर सिटीसँग ब्रेन्टफोर्ड पराजित भएको छ। लिभरपुलभन्दा दुई अंकले पछि परेको म्यानचेस्टर सिटी प्रिमियर लिगको दोस्रो स्थानमा पुग्न सफल भएको छ।

गएराति भएको २२ औँ खेलमा सिटीले फिल फोडेनको ह्याट्रिकले ब्रेन्टफोर्डलाई ३–१ ले हरायो। खेलको २१ औं मिनेटमा निल माउपेले गोल गर्दै घरेलु टोलीलाई अग्रता दिलाएका थिए भने पहिलो हाफको इन्जुरी समयमा फोडेनले गोल गर्दै बराबरीमा ल्याए।

दोस्रो हाफको ब्रेकको आठ मिनेटपछि उनले दोस्रो गोल गरेको हुन्। खेलको ७० औँ मिनेटमा फडेनले नै गोल गर्दै जित सुनिश्चत गरेका थिए।

जित पछि सिटीको २२ खेलबाट ४९ अंक भएको छ। २३ खेल खेलेको लिभरपुलको ५१ अंक छ। पराजित ब्रेनफोर्ड भने तालिकाको १५‍औँ स्थानमा छ।