कालिका लघुवित्त वित्तीय संस्थाको १४औं वार्षिक साधारण सभा हुँदै, के के छन् एजेण्डाहरू?

काठमाडौं । कालिका लघुवित्त वित्तीय संस्थाको १४औं वार्षिक साधारण सभा फागुन २४ गते बस्ने भएको छ ।

कम्पनीको माघ २५ गते बसेको संचालक समितिको बैठकले पोखरा महानगरपालिका १० स्थित होटल टास्क इन्टरनेसनल प्रालिको सभाहल, बुद्धचोक, कास्कीमा बिहान ९ बजेदेखि बस्ने निर्णय गरेको हो ।

सो सभाले गत आर्थिक वर्षको वार्षिक प्रतिवेदनका साथै, नाफा–नोक्सान तथा नगद प्रवाह लगायतका विषय छलफल गरी पारित गर्नेछ। त्यस्तै, चालु आ.व.को लागि लेखापरीक्षकको नियुक्ती गरी पारिश्रमिक तोक्ने र सर्वसाधारण शेयरधनीको तर्फबाट १ जना महिला संचालकको निर्वाचन समेत गर्ने छ ।

साथै, अन्य उपयुक्त वित्तीय संस्थासँग मर्जर अथवा एक्विजिशनसम्बी कार्य गर्न तथा बैंकको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिनेछ । सभा प्रयोजनार्थ कम्पनीले फागुन १४ गते बुक क्लोज गर्ने निर्णय गरेको छ । फागुन १३ गतेसम्म नेप्समा कारोबार भइ कायम शेयरधनीले मात्र सभामा उपस्थित हुन सक्ने जनाएको छ ।