समाजवादीका नेता हिमाल खरेललाई पित्री शोक, पुर्वप्रधानमन्त्री नेपाल घरमैं पुगे

बारा । एकिकृत समाजवादीका केन्द्रिय सदस्य हिमाल खरेललाई पित्री शोक परेको छ । नेता खरेलको हजुरआमा चन्द्रमाया खरेलको ८३ बर्षको उमेरमा आईतवार निधन भएको थियो । बिष्णु प्रसाद खरेलको कान्छी श्रीमती चन्द्रमाया खरेलको निधनले खरेल परिवारलाई पित्री शोक परेको हो ।

चन्द्रमाया खरेल नेता हिमाल खरेलको कान्छीहजुर आमा हुन् । चन्द्रमाया खरेल तर्फको एक मात्र छोरा नेपाल प्रहरीमा थिए उनको जनयुद्धामा मृत्यु भएको थियो । चन्द्रमाया खरेलको छोरी समेत रहेको र केहि बर्ष अगाडीसम्म सम्पर्कमा भएपनि हाल सम्पर्कमा नरहेको परिवारले जनाएको छ ।

चन्द्रमाया खरेलको हिन्दु परम्परा अनुसार दुधौरा खोलामा आईतबारनैं अन्त्यष्टि गरिएको थियो । अन्त्यष्टि गर्नुभन्दा अगाडी पुर्वप्रधानमन्त्री तथा एकिकृत समाजवादी पार्टीका केन्द्रिय अध्यक्ष माधव कुमार नेपाल सहितका नेताहरु खरेलको घरमा पुगेर चन्द्रमाया खरेलको पार्थिव शरिरिलाई फुल अर्पण गर्नु भएको थियो ।

पुर्वमन्त्री तथा बारा क्षेत्र नं.४ का संघिय सांसद कृष्ण कुमार श्रेष्ठ(किसान), एकिकृत समाजवादी पार्टीका पोलिटब्युरो सदस्य दिनेश राई लगायत सयौं नेता तथा कार्यकर्ताहरु नेता खरेलको घरमा पुगेर पार्थिव शरिरलाई फुल अर्पण गरि श्रद्धान्जली दिनुको साथै शोकाकुल परिवार प्रति संवेदना प्रकट गर्नु भएको थियो ।

कान्छी हजुरआमा लाई जेठी हजुरआमा तर्फको नातीहरु हिमाल खरेल सहितका नातीहरुले दातबत्ती दिएको थियो । हजुरआमाको क्रियामा माईलो नाती महेश खरेलले गर्दैछन् । चन्द्रमाया खरेलको अर्जुन खरेल,महेश खरेल,हिमाल खरेल र कपिल खरेल गरि ४ नातीहरु छन् ।