चलचित्र दयारानीमा समावेश गीत ‘लाइदेउ छपक्कै’ सार्वजनिक (भिडियोसहित)

काठमाडौं । नेपाली चलचित्र दयारानीमा समावेश गीत ‘लाइदेउ छपक्कै’ सार्वजनिक भएको छ। गीत हाइलाइट्स नेपालको अफिसियल पेजबाट सार्वजनिक गरिएको हो।

मन क्षेत्रीको शब्द रहेको गीतमा विनोद बानियाँको स्वर र संगीत रहेको छ। गीतमा बानियाँसँगै मेलिना राईको पनि स्वर रहेको छ।

चलचित्र दयारानी गत शुक्रबारदेखि देश तथा विदेशमा प्रदर्शनमा आएको छ। माओत्से गुरुङको लेखन तथा निर्देशनमा बनेको यो चलचित्रमा दयाहाङ राई, दिया पुन, विजय बराल लगायतको अभिनय रहेको छ। चलचित्र निसन्तान दम्पतीको कथामा आधारित रहेको छ।