गोर्खाज फाइनान्स लिमिटेडले चैत २ गतेलाई बोलायो साधारणसभा, एजेण्डा सहित

काठमाडौं । गोर्खाज फाइनान्स लिमिटेडले आगामी चैत २ गते वार्षिक साधारण सभा बोलाएको छ ।

सभा अनुपम फुडल्याण्ड एन्ड ब्यांकेट, बित्तीसपुतली, काठमाडौंमा दिउँसो १ बजेबाट सुरु हुनेछ । सो सभामा आर्थिक वर्ष २०७९–८० को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०८०–८१ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि रहेको छ ।

साथै, पुँजी संरचना परिवर्तन गरेर संस्थापक समूहको ५१ र सर्वसाधारण समूहको ४९ प्रतिशत कायम गर्ने प्रस्ताव पेश हुनेछ । सभा प्रयोजनार्थ कम्पनीले फागुन १८ गते बुक क्लोज गर्दैछ । यसका साथै, फागुन १७ गतेसम्म कायम सेयरधनीहरूले सभामा भाग लिन पाउनेछन् ।