कतिमा कारोबार हुँदै छ आज सुनचाँदी? हेर्नुहोस मूल्यसहित

काठमाडौं । आज (बिहिबार) सुनको भाउ स्थिर रहेको छ।

नेपाल सुन–चाँदी व्यवसायी महासंघका अनुसार बिहीबार छापावाल सुनको १ लाख १६ हजार ५०० रुपैयाँमा करोबार भएको छ । यसैगरी, तेजावी सुनको भाउ तोलाको १ लाख १५ हजार ९५० रुपैयाँमा कारोबार भएको छ । यसअघि बुधबार पनि सुन सोही मूल्यमा नै किनबेच भएको थियो ।

बुधबार सुनको भाउ प्रतितोला १२ सय रुपैयाँले बढेको थियो । यता, आज चाँदीको भाउ भने प्रतितोला १० रुपैयाँले बढेर १३ सय ७५ रुपैयाँमा कारोबार भएको छ ।

बुधबार चाँदीको भाउ प्रतितोला १३ सय ६५ रुपैयाँ कायम रहेको थियो । अन्तर्राष्ट्रिय बजारमा आज सुन प्रतिऔंस १ हजार ९९१.५६ डलरमा र चाँदी प्रतिऔंस २२.३९ डलरमा कारोबार भइरहेको छ।