सिमकोट–सुर्खेत रुटमा परीक्षण उडान गर्दै नेपाल एयरलाइन्स

काठमाडौं । आगामी फागुन ७ गते नेपाल एयरलाइन्सले सिमकोट–सुर्खेत रुटमा परीक्षण उडान गर्ने भएको छ।

यसअघि नेपालगञ्ज–सिमकोट नेपालगञ्ज रुटमा उडान गर्दै आएको एयरलाइन्सले कर्णाली प्रदेशको राजधानी सुर्खेत जोड्ने गरी सिमकोटबाट परीक्षण उडान गर्न लागेको नेपाल एयरलाइन्स सिमकोट स्टेशनका प्रमुख छिरिङ लामाले जानकारी दिए। परीक्षणका लागि सबै तयारी पूरा भएको जानकारी दिए।

“नेपाल एयरलाइन्सको जहाजले नेपालगञ्ज–सिमकोटमा उडान गरेपछि सोही दिन सिमकोट-सुर्खेत परीक्षण उडान पनि हुनेछ”, “त्यसपछि सुर्खेत-सिमकोटका लागि यात्रुसहितको उडान भर्ने तालिकाको तयारी भइरहेको छ ।” यद्यपि अझै भाडा भने कति भन्ने निर्धारण भइसकेको छैन। सिमकोट–सुर्खेत हवाई उडान हुने भएपछि हुम्लाबासीलाई सहज हुने भएको स्थानीयहरुले बताए ।

“सिमकोट–सुर्खेत उडान सुरु भएपछि हुम्लाबाट नेपालगञ्ज र नेपालगञ्जबाट सुर्खेत जानुपर्ने बाध्यता हट्नेछ”,। सिमकोटबाट नेपालगञ्ज जान जहाजमा ४५ मिनेट लाग्छ भने नेपालगञ्बाट सुर्खेत पुग्न ४ घण्टा लाग्छ। अब सीधै प्रदेश राजधानी सुर्खेत पुग्न नियमित उडान भए ३५ मिनेट पुग्न सकिने छ ।