जाँचबुझ आयोगले बुझायो गृहमन्त्रीलाई बालकुमारी घटनाको प्रतिवेदन

काठमाडौं । बालकुमारी घटनाबारे सत्यतथ्य जाँचबुझ गर्न सरकारले गठन गरेको आयोगले उपप्रधानमन्त्री एवं गृहमन्त्री नारायणकाजी श्रेष्ठलाई आज प्रतिवेदन पेस गरेको छ।

उच्च अदालतका पूर्व न्यायाधीश शेखरप्रसाद पौडेल अध्यक्ष तथा पूर्व अतिरिक्त प्रहरी महानिरीक्षक अरुण कुमार बीसी र गृह मन्त्रालयका प्रवक्ता एवं सहसचिव नारायणप्रसाद भट्टराई सदस्य रहेको आयोगले ४४ दिनमा प्रतिवेदन बुझाएको हो ।

गत पुस १३ गते ललितपुरको बालकुमारीस्थित इपीएस कोरिया शाखा कार्यालयमा परीक्षा फारम भर्ने विषयलाई लिएर भएको प्रदर्शनमा चौरपाटी अछामका वीरेन्द्र शाह र महाबु, दैलेखका सुजन रावतको मृत्यु भएको थियो । घटनापछि सरकारले पुस १६ मा जाँचबुझ आयोग बनाएको थियो ।