व्यक्ति, कम्पनी तथा संघसंस्थाहरुलाई ललितानिवास क्षेत्र ७ दिनभित्र खाली गर्न महानगरको निर्देशन

काठमाडौं । काठमाडौं महानगरपालिकाले ललितानिवास क्षेत्रमा रहेका व्यक्ति, कम्पनी तथा संघसंस्थाहरुलाई हट्न निर्देशन दिएको छ ।

महानगरले आज (बुधाबार) एक सूचना जारी गर्दै ७ दिनभित्र ललितानिवास क्षेत्रमा रहेका व्यक्ति, कम्पनी तथा संघसंस्थाहरुलाई उक्त क्षेत्र खाली गर्न निर्देशन दिएको हो । तोकेको समयभित्र सो क्षेत्रबाट नहटेमा प्रचलित कानून बमोजिम हटाई सरकारी जग्गा तथा सम्पत्तिको संरक्षण, रेखदेख तथा उचित प्रबन्ध गरिने महानगरपालिकाले जनाएको छ ।

फागुन ३ गते मात्रै बालुवाटारस्थित ललिता निवासको सरकारी जग्गा व्यक्तिको नाममा किनबेच तथा नामसारी भएको मुद्दामा विशेष अदालतले सो जग्गा सरकारको हुने फैसला गरेको थियो ।