सुनचाँदीको मूल्य बढ्यो, कतिमा कारोबार हुँदै छ आज?

काठमाडौं । आज सुन–चाँदी दुवैको भाउ बढेको छ।

नेपाल सुन–चाँदी व्यवसायी महासंघका अनुसार बुधबार छापावाल सुनको भाउ प्रतितोला ४०० रुपैयाँले बढेर १ लाख १८ हजार ४०० रुपैयाँमा कारोबार भएको छ । साथै, तेजावी सुन तोलाको १ लाख १७ हजार ८५० रुपैयाँमा कारोबार भएको छ । यसअघि मंगलबार छापावाल सुनको भाउ १ लाख १८ हजार र तेजावी सुनको भाउ १ लाख १७ हजार ४५० रुपैयाँमा कारोबार भएको थियो ।

आज चाँदीको भाउ पनि प्रतितोला ५ रुपैयाँले बढेर १४ सय १५ रुपैयाँमा कारोबार भएको छ । मंगलबार चाँदीको भाउ तोलाकोे १४ सय १० रुपैयाँमा कारोबार भएको थियो । अन्तर्राष्ट्रिय बजारमा आज सुन प्रतिऔंस २ हजार ३०.९४ डलरमा र चाँदी प्रतिऔंस २३.१५ डलरमा कारोबार भइरहेको छ ।