मटरकोशा प्रतिकेजी ९० रुपैयाँ, घिउ सिमि लोकल प्रति केजी १५५ रूपैयाँ, अन्य तरकारी तथा फलफूलको मूल्य कति?

काठमाडौँ। आज (बिहिबार) का लागि कालीमाटी फलफूल तथा तरकारी बजार विकास समितिले तरकारी तथा फलफूलको मूल्य निर्धारण गरेको छ।

समितिका अनुसार आज टनेल गोलभेडाको औसत मूल्य प्रतिकेजी २७ रूपैयाँ ५० पैसा, तराई गोलभेडा २५ रुपैयाँ, रातो आलु ३३ रुपैयाँ ५० पैसा, भारतीय रातो आलु ३६ रुपैयाँ, सुकेको प्याज भारतीय ८७ रुपैयाँ ५० पैसा, लोकल गाजर, तोरीको साग र स्थानीय काउली प्रतिकेजी ३५ रुपैयाँ, लोकल बन्दा ३० रुपैयाँ, स्थानीय ज्यापु काउली ४५ रुपैयाँ रहेकाे छ।

साथै, मटरकोशाको औषत मूल्य प्रतिकेजी ९० रुपैयाँ, घिउ सिमि लोकलको औषत मूल्य प्रति केजी १५५ रूपैयाँ, टाटे सिमी १०५ रुपैयाँ, तितो करेला १२५ रुपैयाँ, पाकेको फर्सी ४७ रुपैयाँ ५० पैसा, सलगम ७६ रुपैयाँ ६७ पैसा, भिण्डी ११५ रुपैयाँ, बरेला ५५ रुपैयाँ, स्कूस ४५ रुपैयाँ र बकुला ८६ रुपैयाँ ६७ पैसा रहेको छ।

त्यसैगरी नेपाली सुन्तलाको औसत मूल्य प्रतिकेजी १५६ रूपैयाँ ६७ पैसा छ भने, भारतीय सुन्तलाको औषत मूल्य प्रति केजी ९६ रूपैयाँ ६७ पैसा रहेको छ। साथै मौसम १४६ रूपैयाँ ६७ पैसा रहेको छ, जुनारको औषत मूल्य प्रति केजी २३५ रूपैयाँ रहेको कालीमाटी कालीमाटी फलफूल तथा तरकारी बजार विकास समितिले जनाएको छ।