गणपती मिष्ठान्न भण्डारको सातौं शाखा बुटवलको योगीकुटीमा बिस्तार

काठमाडौं । रुपन्देहीमा छोटो समयमा नै धेरै शाखा विस्तार गरेको बुटवल ट्राफिक चौकको गणपती मिष्ठान्न भण्डारले सातौ शाखा बुटवलको योगीकुटीमा शुभारम्भ गरेको छ।

सो शाखाको उद्घाटन बुटवल उपमहानपालिकाका प्रमुख खेलराज पाण्डेले गरेका थिए। उनले व्यवसायिक सफलताको शुभकामना दिंदै पछिल्लो सयमा नेपालमा केही छैन, व्यवसाय भन्नेहरुको लागि गणपति उदाहरणको रूपमा रहेको बताए।

कार्यक्रममा बुटवल उपमहानरपालिका वडा नम्बर ६ का वडा अध्यक्ष तथा बुटवल उद्योग बाणिज्य संघका मनोनित सदस्य नरिश्वर शर्मा पौडेल, बुटवल उद्योग बाणिज्य संघका बरिष्ठ उपाध्यक्ष टंकप्रसाद गैरे, मिष्ठान्न तथा क्याट्रिङ्ग व्यवसायी संघका कमल पोखरेल लगायतयले गणपतिलाई ब्यवसायिक सफलताको शुभकामना दिनुभयो। एक करोड ५० लाख रुपैयाँ लगानीमा ६ जना व्यवसायीहरु नारायण केसी, मेघराज पन्थ, किरण थापा, डम्बर कुँवर, चुम बहादुर खत्री, माया ज्ञवालीको लगानीमा यो शाखा विस्तार गरिएको हो ।

अहिले बुटवल लगायत मुर्गीया, मणिग्राम, ट्राफिक चौक, मिलनचौक, देवीनगर लगायतका स्थानमा शाखा स्थापना भएका छन्। बुटवलमा २१ बर्ष पहिला स्थापना भएको गणपती मिष्ठान्न भण्डारको मिठाईमा ब्रान्डको रुपमा स्थापना भएको छ।

साथै यी शाखाबाट दैनिक १ सय ५० किलो ६० प्रकारका मिठाई बक्री हुँदै आएको छ। योगीकुटी शाखाको शुभारम्भको अवसरमा ३ दिन १७, १८, १९ गते विशेष छुटको समेत व्यवस्था रहेको गणपती मिष्ठान्न भण्डारले जनाएको छ।