उदयपुरको कटारीमा जीप दुर्घटना, दुई जनाको मृत्यु १३ घाइते

काठमाडौं। उदयपुरको कटारीमा जीप (बोलेरो) दुर्घटना हुँदा घटनास्थलमै दुईजनाको मृत्यु भएको छ भने १३ जना घाइते भएका छन्।

७० वर्षीय वीरबहादुर तामाङ र ३३ वर्षीया लालकुमारी तामाङको मृत्यु भएको जिल्ला प्रहरी कार्यालय उदयपुरले जनाएको छ।

शुक्रबार साँझ कटारी बजारबाट थलियातर्फ गइरहेको ना १ ज ८३३३ नम्बरको जीप कटारी-७ मजेतपुरमा दुर्घटन भएको हो। ब्रेक फेल भई अनियन्त्रित हुँदा जीप डेढसय मिटर तल खसेको प्रहरीले जनाएको छ।

विराटनगरस्थित नोबेल अस्पताल र कटारी अस्पतालमा घाइतेहरूको उपचार भइरहेको प्रहरीले जनाएको छ।