आज सुन तोलामा २ हजारले बढ्यो, चाँदीको कति छ मूल्य?

काठमाडौं । आज (आइतबार)सुनको भाउ तोलामा २ हजार रुपैयाँले बढेको छ।

नेपाल सुन–चाँदी व्यवसायी महासंघका अनुसार आइतबार छापावाल सुन प्रतितोला २ हजार रुपैयाँले बढेर १ लाख २१ हजार रुपैयाँ रहेको छ। यसैगरी, तेजावी सुनको मूल्य तोलाको १ लाख २० हजार ४०० रुपैयाँ रहेको छ।

यसअघि, बिहीबार छापावाल सुन १ लाख १९ हजार रुपैयाँमा कारोबार भएको थियो। यसैगरी, तेजावी सुन तोलाको १ लाख १८ हजार ४५० रुपैयाँमा कारोबार भएको थियो। अन्तर्राष्ट्रिय बजारमा सुनको मूल्य वृद्धि भएसँगै नेपाली बजारमा पनि त्यसको प्रभाव परेको महासंघले जनाएको छ।

आज चाँदीको भाउ पनि तोलामा २० रुपैयाँले बढेर १४ सय १० रुपैयाँ कायम भएको छ । शुक्रबार चाँदीको भाउ तोलाको १३ सय ९० रुपैयाँमा करोबार भएको थियो ।