आजको तरकारी तथा फलफूलको मूल्य कति? हेर्नुहोस सूचीसहित

काठमाडौं । कालीमाटी फलफूल तथा तरकारी बजार विकास समितिले आज (मंगलबार) का लागि फलफूल तथा तरकारीको मूल्य निर्धारण गरेको छ ।

जसअनुसार आज हरियो अंगुरको न्यूनतम मूल्य प्रतिकेजी १२०, कालो अंगुर १८०, केरा १२० रुपैयाँ दर्जन, अनार २८०, अम्बा २००, नेपाली सुन्तला १६०, आभोकाडो ५०० र स्ट्रबेरी भुईऐसेलु २०० रुपैयाँ रहेको छ ।

समितिका अनुसार नेपाली ठूलो गोलभेडा ५०, भारतीय ठूलो गोलभेडा ६०, अदुवा २००, रातो आलु ३२ र रातो भारतिय आलु ३४ रूपैया रहेको छ भने स्थानीय काउली ३०, लौका ६०, कागती २२०, लोकल काँक्रो ११०, सुकेको खुर्सानी ४००, हरियो खुर्सानी १०० रुपैयाँ प्रतिकेजी रहेको छ ।

तराइ गाँज प्रतिकेजी २५ रुपैयाँ, लोकल बन्दा ३०, लोकल सेतो मूला २५ र रातो मूला ५० रुपैयाँ रहेको छ । साथै लोकल घिउ सिमी १५० रुपैयाँ, राजमा घिउ सिमी १२० रुपैयाँ र टाटे सिमी १०० रुपैयाँ, हरियो फर्सी लाम्चो र हरियो डल्लो फर्सी ५० रूपैयाँ रहेको छ ।

त्यसैगरी तोरीको साग ३० र रायोको साग ४० रुपैयाँ रहेको छ भने चमसूर, पालूगो, मेथी, सौफको साग ९० रुपैयाँमा खरिदबिक्री भएको कालीमाटी फलफूल तथा तरकारी बजार विकास समितिले जनाएको छ।