त्रिशूलीमा बस खस्यो, १३ जनाको उद्धार

काठमाडौं। कपिलवस्तुबाट काठमाडौं आउँदै गरेको बस त्रिशूली नदीमा खसेको छ।

लु २ ख २१२१ नम्बरको बस बिहानै धादिङको गजुरी गाउँपालिका-५ घाटबेसीस्थित पृथ्वी लोकमार्गबाट त्रिशूलीमा खसेको इलाका प्रहरी कार्यालय गजुरीले जनाएको छ।

बसमा रहेकामध्ये १३ जनालाई उद्धार गरी उपचारका लागि गजुरी अस्पताल पठाएको प्रहरीले जनाएको छ।

दुर्घटनामा केहीको मृत्यु भएको आशंका गरिए पनि विस्तृत विवरण भने आउन बाँकी छ।