सिन्धुली ट्र्याक्टर दुर्घटनामा एकजनाको मृत्यु

काठमाडौं। सिन्धुलीमा हिजो राति ट्र्याक्टर दुर्घटना हुँदा एकजनाको मृत्यु भएको छ।

ट्र्याक्टरमा सवार सिन्धुलीको फिक्कल गाउँपालिका ५ का ३० वर्षीय दिनेश काफ्लेको मृत्यु भएको हो। दुर्घटनामा गम्भीर घाइते भएका काफ्लेको उपचारका क्रममा जिल्ला अस्पताल सिन्धुलीमा बिहीबार बिहान ३ बजे मृत्यु भएको प्रहरी निरीक्षक केशवकुमार कटुवालले जानकारी दिए।

कमलामाई नगरपालिका ३ सोलाभञ्ज्याङ तुफानडाँडास्थित भित्री सडकखण्डमा सिन्धुलीबाट चपौलीतर्फ जाँदै गरेको प्रदेश २–०३–००१ त ४११३ नम्बरको ट्याक्टर अनियन्त्रित भइ सडकबाट करिब ५०० मिटर तल खसेको थियो। चालकलाई प्रहरीले नियन्त्रणमा लिएर अनुसन्धान गरिरहेको जनाएको छ।