सर्लाहीमा बसले ठक्कर दिँदा साइकल यात्री घाइते

काठमाडौँ। सर्लाहीमा बसले ठक्कर दिँदा साइकल यात्री घाइते भएका छन्। कविलासी नगरपालिका–१० स्थित सलेमपुरमा बसले ठक्कर दिँदा साइकल चालक जुगल किशोर महतो घाइते भएका हुन्।

महतोलाई थप उपचारका लागी हेलिकप्टरबाट काठमाडौँ ल्याउने तयारी भइरहेको सर्लाहीका एसपी दयानिधि ज्ञवालीले जाकारी दिएका छन्।

ठक्कर दिएपछि बस स्थानीयले बस जलाउने प्रयास गरेका छन्। घटनास्थलमा तत्काल प्रहरी पुगेर बसमा लगाएको आगो नियन्त्रणमा लिइएको प्रहरीले जनाएको छ। प्रहरीले अर्को सवारीको सहयोगमा तानेर ग.२ ख १४४० नम्बरको बसलाई जिल्ला प्रहरी कार्यालय मलंगवामा ल्याएको छ।

बसका चालक फरार छन्। चालकको पहिचान खुलेको र खोजी कार्य जारी रहेको प्रहरीले जनाएको छ।