सुनको भाउ आज तोलामा ८०० रुपैयाँले बढ्यो, कतिमा हुँदै छ कारोबार?

काठमाडौं । सुनको भाउ आज (बिहीबार) ८०० रुपैयाँले बढेको छ।

नेपाल सुन–चाँदी व्यवसायी महासंघका अनुसार आज छापावाल सुनको भाउ प्रतितोला ८०० रुपैयाँले बढेर १ लाख २५ हजार ८०० रुपैयाँ कायम भएको छ । यसैगरी, तेजावी सुन तोलाको १ लाख २५ हजार २०० रुपैयाँ कायम भएको छ।

हिजो, बुधबार छापावाल सुन १ लाख २५ हजार रुपैयाँमा कारोबार भएको थियो। यसैगरी, तेजावी सुनको भाउ तोलाको १ लाख २४ हजार ४०० रुपैयाँ निर्धारण भएको थियो। यसअघि, आइतबार, सोमबार र मंगलबार सुन अहिलेसम्मकै उच्च मूल्य प्रतितोला १ लाख २६ हजारमा कारोबार भएको थियो।

यता, आज चाँदीको भाउ पनि प्रतितोला ५० रुपैयाँले बढेर १५ सय १५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।