महालक्ष्मी विकास बैंकको दुई दिने कार्यशाला गोष्ठी सम्पन्न

काठमाडौं। महालक्ष्मी विकास बैंकले सौराहामा दुई दिने कार्यशाला गोष्ठी तथा सेमिनार सम्पन्न गरेको छ।

बैंकले संस्थाका उच्च व्यवस्थापन तहका पदाधिकारीहरु, विभागीय प्रमुखहरु, प्रदेश प्रमुखहरु, केन्द्रीय कार्यालयका कर्मचारीहरु र शाखा प्रबन्धकहरुको उपस्थितिमा नेतृत्व/सामूहिक एकताको विकास तथा शारीरिक स्वस्थता नामक दुई दिने गोष्ठी/सेमिनार सम्पन्न गरेको हो।

सेमिनारमा अर्थतन्त्रमा देखिएको मन्दी र नकारात्मकताबीच आगामी दिनहरुमा अवलम्बन गर्नुपर्ने कार्यदिशाका सवालमा छलफल भएको बैंकले जनाएको छ। अहिलेको अवस्थामा बैंकको व्यवसाय विस्तार, ग्राहकहरुको हकहित संरक्षण र उत्कृष्ट सेवाप्रदान गर्न सबै तहका कर्मचारीहरुको सामुहिक प्रयत्न आवश्यक रहने निष्कर्ष सहित सेमिनार सम्पन्न भएको छ।

साथै आर्थिक वर्ष २०८०/८१ अन्तर्गत बाँकी रहेको समयलाई अधिकतम उपयोग गरी बैंकको समग्र व्यवसाय विस्तारलाई कसरी अगाडि बढाउने भन्ने सम्बन्धमा समेत छलफल भएको थियो।