बैंक तथा वित्तीय संस्थाहरूले राष्ट्र बैंकमा राखे १ दिनमै १ अर्बको निक्षेप

काठमाडौं। १ दिनमै बैंक तथा वित्तीय संस्थाले नेपाल राष्ट्र बैंकमा १ अर्ब रुपैयाँ निक्षेप जम्मा गरेका छन्।

बैंक तथा वित्तीय संस्थाले चैत ४ गते आइतबार मात्रै ९१ अर्ब ७० करोड रुपैयाँ निक्षेप राखेका हुन्। बैंकिङ प्रणालीमा अधिक तरलता भएपछि बैंक तथा वित्तीय संस्थाले धमाधम केन्द्रीय बैंकमा निक्षेप जम्मा गर्न थालेका छन्।

गत फागुन १ गतेबाट केन्द्रीय बैंकले स्थायी निक्षेप संकलन सुविधा कार्यान्वयनमा ल्याएको थियो। सो सुविधा ल्याएपछि हालसम्म बैंक तथा वित्तीय संस्थाले केन्द्रीय बैंकमा ६ खर्ब ५८ अर्ब निक्षेप राखिसकेका छन्।

बैंक तथा वित्तीय संस्थाले ३ प्रतिशत ब्याजदरमै उक्त निक्षेप जम्मा गरेका हुन्। स्थायी निक्षेप संकलन सुविधा मार्फत बैंकहरुले लगानी गरेर आफूसँग बाँकी रहेको सबै रकम राष्ट्र बैंकमा राख्न सक्छन्।