सुनको मूल्य २०० रुपैयाँले बढ्यो, कतिमा कारोबार हुँदै छ आज?

काठमाडौं । आज (सोमबार) सुनको मूल्य तोलामा २ सय रुपैयाँले बढेको छ। नेपाल सुन–चाँदी व्यवसायी महासंघका अनुसार सोमबार छापावाल सुन प्रतितोला २ सय रुपैयाँले बढेर १ लाख २६ हजार ७०० रुपैयाँ कायम भएको छ।

यसका साथै, तेजावी सुन तोलाको १ लाख २६ हजार १०० रुपैयाँ कायम भएको छ। यसअघि, शुक्रबार छापावाल सुनको भाउ १ लाख २६ हजार ५०० रुपैयाँमा कारोबार भएको थियो। यसैगरी, तेजावी सुनको भाउ तोलाको १ लाख २५ हजार ९०० रुपैयाँ कायम भएको थियो।

आइतबार चाँदीको भाउ पनि प्रतितोला १५ रुपैयाँले बढेर १५ सय २५ रुपैयाँ कायम भएको थियो। शुक्रबार चाँदीको भाउ प्रतितोला १५ सय रुपैयाँ कायम रहेको नेपाल सुन–चाँदी व्यवसायी महासंघले जनाएको छ।