सुनको मूल्य हालसम्मकै उच्च, प्रतितोला २१ सय रुपैयाँले बढ्यो

काठमाडौँ । आज (शुक्रबार) सुनचाँदीको मूल्यमा नयाँ रेकर्ड कायम भएको छ। नेपाल सुनचाँदी व्यवसायी महासङ्घका अनुसार स्थानीय बजारमा सुनको मूल्य प्रतितोला २ हजार १ सय रुपैयाँले बढेर १ लाख ३० हजार रुपैयाँ कायम भएको छ। यो मूल्य हालसम्मकै उच्च हो।

यसअघि, बिहिबार (चैत १५ गते) छापावाल सुन तोलाको १ लाख २७ हजार ९०० रुपैयाँमा कारोबार भएको थियो। साथै तेजावी सुनको मूल्य तोलाको १ लाख २७ हजार ३०० रुपैयाँमा कारोबार।

यता, आज तेजावी सुन प्रतितोला १ लाख २७ हजार ३ सय रुपैयाँबाट बढेर १ लाख २९ हजार ४ सय रुपैयाँ कायम भएको छ। त्यसैगरी, आज चाँदीको मूल्यमा समेत वृद्धि भएको छ। बिहीबार प्रतितोला १ हजार ५ सय १० रुपैयाँमा कारोबार भएको चाँदीको मूल्य आज १ हजार ५ सय २५ रूपैयाँ कायम भएको छ।