सुनको मूल्य अहिलेसम्मकै उच्च, कतिमा कारोबार हुँदै छ आज?

काठमाडौं। सुनको मूल्यले आज (बुधबार) पनि नयाँ रेकर्ड कायम गरेको छ।

नेपाल सुन–चाँदी व्यवसायी महासंघका अनुसार बुधबार छापावाल सुनको भाउ प्रतितोला १८ सय रुपैयाँले बढेर १ लाख ३३ हजार रुपैयाँ कायम भएको छ। हिजो सोमबार मात्रै छापावाला सुनको मूल्य प्रतितोला १ लाख ३१ हजार ६ सय रुपैयाँमा कारोबार भएको थियो।

यसैगरी, तेजावी सुनको मूल्य तोलाको १ लाख ३२ हजार ३५० रुपैयाँ कायम भएको छ।

यसअघि चैत १९ गते पनि सुनको मुल्यमा रेकर्ड कामय भएको थियो। सो दिन छापावाल सुन प्रतितोला १ लाख ३१ हजार ६०० रुपैयाँमा कारोबार भएको थियो। यसैगरी, तेजावी सुनको भाउ प्रतितोला १ लाख ३० हजार ९५० रुपैयाँ कायम भएको थियो।

यता, आज चाँदीको भाउ पनि प्रतितोला ६५ रुपैयाँले बढेर १६ सय १० रुपैयाँ कायम भएको छ। मंगलबार चाँदीको भाउ प्रतितोला १५ सय ४५ रुपैयाँमा कारोबार भएको थियो।