सुनको मूल्य लगातार बढ्यो, आज कतिमा हुँदैछ कारोबार?

काठमाडौं। सुनको भाउले लगातार तेस्रो दिन पनि नयाँ रेकर्ड कायम गरेको छ।

नेपाल सुन–चाँदी व्यवसायी महासंघका अनुसार आज (चैत २७ गते) छापावाल सुन प्रतितोला १०० रुपैयाँले बढेर १ लाख ३६ हजार ३०० रुपैयाँ कायम भएको छ। यसैगरी, तेजावी सुनको मूल्य तोलाको १ लाख ३५ हजार ६५० रुपैयाँ कायम भएको छ।

यसअघि सोमबार (चैत २६ गते) सुनको मूल्यमा नयाँ रेकर्ड कायम भएको थियो।  सो दिन सुनको भाउ प्रतितोला १ लाख ३६ हजार २०० रुपैयाँमा कारोबार भएको थियो।  यसैगरी, तेजावी सुनको भाउ तोलाको १ लाख ३५ हजार ५५० रुपैयाँमा कारोबार भएको थियो।

साथै, आज चाँदीको भाउ भने स्थिर रहेको छ। मंगलबार चाँदीको भाउ प्रतितोला १६ सय ८५ रुपैयाँ रहेको छ। सोमबार पनि चाँदी सोही मूल्यमा कारोबार भएको नेपाल सुन–चाँदी व्यवसायी महासंघले जनाएको छ।