आज सुनको मूल्यमा गिरावट, कतिमा हुँदैछ कारोबार?

काठमाडौं । सुनको मूल्यमा आज गिरावट आएको छ। नेपाल सुन–चाँदी व्यवसायी महासंघका अनुसार बिहीबार छापावाल सुनको भाउमा प्रतितोला २०० रुपैयाँले घटेर १ लाख ३६ हजार ६०० रुपैयाँ कायम भएको छ।

यसैगरी, तेजावी सुनको मूल्य तोलाको १ लाख ३५ हजार ९५० रुपैयाँ कायम भएको छ। यसअघि, बुधबार छापावाल सुन १ लाख ३६ हजार ८०० रुपैयाँमा कारोबार भएको थियो। यसैगरी, तेजावी सुनको भाउ तोलाको १ लाख ३६ हजार १५० रुपैयाँमा कारोबार भएको थियो।

आइतबार, सोमबार, मंगलबार र बुधबार सुनको भाउ क्रमशः प्रतितोला २९००, ६००, १०० र ५०० रुपैयाँले बढेर नयाँ रेकर्ड कामय गरेको थियो।

यता, आज चाँदीको भाउ भने स्थिर रहेको छ । आज चाँदीको भाउ प्रतितोला १७ सय रुपैयाँ कायम रहेको छ।