सर्वोत्तम सिमेन्टको साधारण सभा आज, लाभांश प्रस्ताव पेश हुने

काठमाडौं। सर्वोत्तम सिमेन्टको वार्षिक साधारण सभा आज (वैशाख १२ गते) बुधबार बस्दैछ।

सभा होटल भिलासा, भैरहवा रुपेन्देहीमा बिहान १० बजेबाट सुरु हुनेछ। सभाले गत आर्थिक वर्षको नाफाबाट प्रस्ताव भएको १५ प्रतिशत नगद लाभांश वितरण गर्ने प्रस्ताव पारित गर्नेछ। साधारण सभा र लाभांश वितरण प्रयोजनका लागि सर्वोत्तमले चैत ३० गते शुक्रबार एक दिन बुक क्लोज गरिसकेको छ।

त्यसैले चैत २९ गते बिहीबारसम्म कायम रहेका सेयरधनीले मात्र कम्पनीले वितरण गर्ने लाभांश पाउन सक्नेछन्।