जेठ ११ गतेसम्मका लागि प्रतिनिधि सभा बैठक स्थगित

काठमाडौं। प्रतिनिधि सभा बैठक जेठ ११ गतेसम्मका लागि स्थगित भएको छ।

सभामुख देवराज घिमिरेले जेठ ११ गते बिहान ११ बजे बस्ने गरी बैठक स्थगित गरेका छन्। आज (मंगलबार) को बैठकमा प्रमुख प्रतिपक्षी दल नेपाली कांग्रेसले सहकारी प्रकरणमा संसदीय छानबिन समिति गठनको माग गर्दै नाराबाजी र वेल घेराउ गरेका थिए।

मंगलबार बसेको बैठकमा नेपाली कांग्रेसको अवरोधका बिच राजनीतिक दलसम्बन्धी विधेयक दोस्रो संशोधन २०८० फिर्ता भएको छ। यस्तै उद्योग वाणिज्य तथा आपूर्ति मन्त्री दामोदर भण्डारीले लगानी सहजीकरण सम्बन्धी केही नेपाल ऐनलाई संशोधन गर्ने अध्यादेश २०८१ सभामा पेस गरेका छन्। प्रतिपक्षी दलहरुका विरोधबीच सभामुख घिमिरे कार्यसूचीमा प्रवेश गरेका थिए।