ललितपुर महानगरमा भोलि सार्वजनिक बिदा

ललितपुर।  ललितपुर महानगरपालिकाले भोली (बुधबार) सार्वजनिक बिदा दिएको छ।

महानगरपालिकाको १८ वैशाखमा बसेको कार्यपालिकाको वैठकले मछिन्द्रनाथको रथयात्रा अन्तर्गत नरिवल खसाल्ने दिन स्थानीय बिदा दिने निर्णय गरेको हो।

‘नेपालकै लामो र ऐतिहासिक रातो मच्छिन्द्रनाथको रथजात्राको रथ तान्ने क्रममा लगनखेलमा हुने नरिवल खसाल्ने शुभ मुहुर्तमा नगरबासीको उल्लेख्य उपस्थिति र परम्परादेखिको धार्मिक महत्वको दिन भएकाले ललितपुर महानगरपालिका र मातहतका कार्यालयहरुमा स्थानीय बिदा दिने निर्णय भएको महानगरपालिकाले जनाएको छ।