सुनको भाउ प्रतितोला १८ सय रूपैयाँले घट्यो, आज कतिमा हुँदैछ कारोबार?

काठमाडौँ। सुनको भाउ प्रतितोला १८ सय रूपैयाँले घटेको छ।

नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला १८ सय रूपैयाँले घटेर १ लाख ३८ हजार ७०० रूपैयाँ कायम भएको छ । यसैगरी, तेजावी सुनको मूल्य तोलाको १ लाख ३८ हजार ५० रूपैयाँ कायम भएको छ।

यसअघि, बुधबार छापावाल सुन १ लाख ४० हजार ५०० रूपैयाँ कायम रहेको थियो।  यसैगरी, तेजावी सुनको भाउ तोलाको १ लाख ३९ हजार ८०० रूपैयाँ कायम भएको थियो।

यता, बिहीबार चाँदीको भाउ भने प्रतितोला ३५ रूपैयाँले घटेको छ। बुधबार १९ सय रूपैयाँ रहेको चाँदीको भाउ आज (बिहीबार) प्रतितोला १८ सय ६५ रूपैयाँ कायम भएको छ।