छिमेक लघुवित्तको १७ हजार ५०० कित्ता संस्थापक शेयर बिक्रीमा

काठमाडौँ। छिमेक लघुवित्त वित्तीय संस्था लिमिटेडले संस्थापक शेयर बिक्रीमा ल्याएको छ।

संस्थाले संस्थापक शेयरधनीको नाममा रहेको १७ हजार ५०० कित्ता शेयर बिक्री गर्न लागेको हो।

न्यूनतम मूल्य प्रतिकित्ता ६०० रूपैयाँ तोकिएको यस शेयरमा जोकोही व्यक्ति, कम्पनी तथा संघसंस्थाले खरिदका लागि आवेदन दिन सक्नेछन्।

सेयर खरिद गर्न इच्छुक लगानीकर्ताले आवश्यक कागजातसहित आज (जेठ १४ गते) बाट १५ दिनभित्र काठमाडौंको मध्यबानेश्वरस्थित कम्पनीको केन्द्रीय कार्यालयमा निवेदन दिनुपर्नेछ।

संस्थाले यसअघि संस्थापक शेयरधनीले मात्रै खरिद गर्न पाउने गरी शेयर बिक्रीमा ल्याएको थियो। तर, तोकिएको समयभित्र संस्थापकबाट आवेदन नपरेपछि सर्वसाधारणले समेत खरिद गर्न पाउने गरी पुनः बिक्रीमा ल्याएको हो।