सुर्खेतमा जीप दुर्घटना, दुईजनाको मृत्यु, दुई घाइते

काठमाडौँ। सुर्खेतको वीरेन्द्रनगरमा जीप दुर्घटना हुँदा दुईजनाको मृत्यु भएको छ।

सुर्खेतबाट कालिकोट गइरहेको जीप सुर्खेत-दैलेख सडकखण्डअन्तर्गत वीरेन्द्रनगर नगरपालिकास्थित रातानाङ्गला नजिक राति दुर्घटना हुँदा दुईजनाको मृत्यु भएको हो।

जिल्ला ट्राफिक प्रहरी कार्यालय सुर्खेतका अनुसार दुवै जनाको शव रूखमा अड्किएको अवस्थामा भेटिएको हो। उनीहरूको परिचय भने खुलेको छैन।

घाइते भएका दुई जनालाई उपचारका लागि प्रदेश अस्पताल लगेको प्रहरीले जनाएको छ।