मटरकोशाको भाउ बढ्यो, अन्य तरकारी तथा फलफूलको मूल्य कति?

काठमाडौँ।   आज (सोमबार) का लागि कालीमाटी फलफूल तथा तरकारी बजार विकास समितिले तरकारी तथा फलफूलको मूल्यसूची निर्धारण गरेको छ।

जसअनुसार, मटरकोशा प्रतिकेजी २५ रूपैयाँले महँगिएको छ।  समितिले प्रकाशित गरेको मूल्यसूची अनुसार आज मटरकोशा, सुकेको प्याजलगायतका तरकारीहरूको मूल्य बढेको हो।

यसअघि प्रतिकेजी १३० रूपैयाँ रहेको मटरकोशाको भाउ आज बढेर १५५ रूपैयाँ पुगेको छ भने सुकेको प्याज ६७ रूपैयाँ ३३ पैसाबाट बढेर ७३ रूपैयाँमा किनबेच भइरहेको छ।

यता, काउली र बोडीको भने भाउ घटेको छ। यसअघि प्रतिकेजी ६५ रूपैयाँ रहेको स्थानीय काउली आज ५४ रूपैयाँ रहेको छ भने तने बोडी ९५ रूपैयाँबाट ५६ रूपैयाँ र मकै बोडी ७५ रूपैयाँ रहेकोमा आज बढेर ८६ रूपैयाँ ६७ पैसा कायम भएको कालीमाटी फलफूल तथा तरकारी बजार विकास समितिले जनाएको छ।