कुमारी बैंकको १० लाख कित्ता संस्थापक सेयर लिलामी भर्ने आज अन्तिम दिन

काठमाडौँ। कुमारी बैंकको १० लाख कित्ता संस्थापक सेयर लिलामी भर्ने आज (जेठ २२ गते) अन्मि दिन हो।

आज कार्यालय समयसम्म मात्र यसमा आवेदन दिन सकिनेछ। यस लिलामी सेयरमा बैंककै संस्थापक सेयरधनीसहित अन्य व्यक्ति, कम्पनी तथा संघसंस्थाले आवेदन दिन सक्नेछन्।

यसमा न्यूनतम १०० रूपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ। लगानीकर्ताले न्यूनतम १० हजार कित्तादेखि अधिकतम सबै कित्ताका लागि आवेदन दिन सक्नेछन्। बिक्री प्रबन्धक कुमारी क्यापिटल, नक्साल काठमाडौंमा पुग्ने गरी आवेदन बुझाउनुपर्नेछ।