हावाहुरीले पोल ढलेपछि वीरगन्जमा ९ घण्टादेखि विधुत सेवा अवरुद्ध

काठमाडौँ। बुधबार रातिको हावाहुरीले बिजुलीका पोल ढाल्दा पर्साको वीरगन्ज र आसपासका क्षेत्रमा नौ घण्टादेखि विधुत आपूर्ति बन्द भएको छ। गर्मीको यो याममा बिजुली नहुँदा त्यहाँको जनजीवन प्रभावित भएको छ।

बिहीबार बिहान १ बजेतिरको हावाहुरीले ढालेका पोल उठाउन युद्धस्तरमा काम भइरहेको नेपाल विधुत प्राधिकरण वीरगन्ज वितरण केन्द्रले आज अपराह्नसम्ममा बिजुली आपूर्ति हुने जानकारी दिएको हो। वीरगन्ज र आसपासका क्षेत्रमा ५६ हजार बिजुलीका ग्राहक छन्। अहिले यहाँ वर्षा भइरहेको छ।