नेरूडे मिर्मिरे लघुवित्तको सेयर संरचना परिवर्तन, संस्थापक र सर्वसाधारणको हिस्सा कति?

काठमाडौँ। नेरुडे मिर्मिरे लघुवित्त वित्तीय संस्थाको सेयर संरचना परिवर्तन भएको छ।

नेप्सेका अनुसार सेयर संरचना परिवर्तन भएपश्चात अब संस्थापक तर्फ ५१.४९ प्रतिशत र सर्वसाधारण समूह तर्फ ४८.५१ प्रतिशत कायम भएको छ।

हाल यस संस्थाको कुल १ करोड ३९ लाख ७७ हजार ६४३ कित्ता सेयर नेप्सेमा सूचीकृत भएको छ। सेयर संरचना परिवर्तन भएसँगै अब संस्थापक समूहको सेयर हिस्सा ७१ लाख ९६ हजार ५०५.७४ कित्ता र सर्वसाधारणको ६७ लाख ८१ हजार १३६.९८ कित्ता रहेको छ।

नेरुडे र मिर्मिरे लघुवित्त एक आपसमा मर्ज भएर गत फागुन ३० गतेबाट एकीकृत कारोबार सुरु भएको थियो। दुवै कम्पनी १ः१ सेयर स्वाप अनुपातमा मर्ज भएका थिए।