आज सुनको भाउ स्थिर हुँदा चाँदीको मूल्य घट्यो

काठमाडौँ।  आज (बिहीबार) सुनको भाउ स्थिर रहेको छ।

नेपाल सुनचाँदी व्यवसायी महासंघका अनुसार बिहीबार छापावाल सुनको भाउ १ लाख ४१ हजार ६०० रूपैयाँ कायम भएको छ। यसैगरी, तेजावी सुनको भाउ तोलामा १ लाख ४० हजार ९०० रूपैयाँ कायम भएको छ। हिजो बुधबार सुन सोही मूल्यमा कारोबार भएको थियो।

त्यसैगरी, आज (बिहीबार) चाँदीको भाउ भने तोलामा १० रूपैयाँले घटेर १८ सय १० रूपैयाँ कायम भएको छ। बुधबार चाँदीको भाउ प्रतितोला १८ सय २० रूपैयाँमा कारोबार भएको थियो।