आफूले संसदमा सम्बोधन गर्दा शीर्ष नेता र मन्त्री संसदमा नभएको भन्दै प्रधानमन्त्रीको असन्तुष्टी

काठमाडौँ। प्रधानमन्त्री पुष्पकमल दाहाल ‘प्रचण्ड’ ले आफूले सम्बोधन गर्ने दिन संसदमा पर्याप्त सांसद र मन्त्रीहरूको उपस्थिति नभएकाले असन्तुष्टि व्यक्त गरेका छन्।

आज (बिहीबार) बसेको प्रतिनिधि सभा बैठकमा सांसदसँग प्रधानमन्त्रीको प्रश्नोत्तर कार्यक्रम सकिएपछि असन्तुष्टि प्रकट गरेका हुन्।

उनले भने, अन्तिममा म एउटा कुरामा सबै माननीय सदस्यहरूको ध्यानाकर्षण गराउन चाहन्छु’ भन्दै प्रधानमन्त्रीले संसदमा बोल्दा सकेसम्म सबै उपस्थित हुने परम्परा रहेको बताए।

हाम्रो सदनको एउटा परम्परा, प्रचलन, गरिमा जे भने पनि प्रधानमन्त्रीले बोल्ने दिन सत्तापक्ष पनि प्रतिपक्षका पनि सबै नेताहरु, सबै माननीय सदस्यहरु, मन्त्रीहरु इमर्जेन्सी बाहेकका सबै उपस्थित हुने प्रचलन नेपालको इतिहासमा स्थापित थियो, तर अब क्रमशः त्यो पातलिन थालेको छ।